عرف نفسك

*إسلام سعد
*هندسة اسكندرية قسم كيميا و رايح سنة تانية
*بحب جدا كرة القدم طبعا زى باقى سكان الكوكب كلهم
*باحب تريبل اتش جدا جدا جدا
*بيعجبنى فى شباب اليومين دول انهم فيهم اللى بيقدروا علاقتهم بربنا و يطبقوها فى حياتهم مع الناس كلها و دول ربنا بيكرمهم اكيد
*اللى باكرهه موضة البوكسرات دى الجديدة بيبقى شكل الشاب زى بتاع الخيار مش تمام خالص
*الجروب حلو و مواضيعه حلوة جدااااااا

ايه ده ياعم اسلام
احنا بنقفل ع بعض ولا ايه....... المفروض انا الاول
:( :s

انت الاول دايما طبعا أنا اقدر اقول حاجة؟؟؟
هههههههههههههههههههههههههههه
بس من غير ما تضربينى حارجع اهو

الله الله الله اسلام باشا سعد بيه علي زوربيا و انا معرفش معقول الكلام ده و الله زوربيا منوره بيك يا سلم فينك يبني مبشوفكش في الكليه خالص اوعي تكون عملت تفاعل خلاك تختفي هههههههههههه يا عم كلها سنه و ربنا يكرم و اجيلك بس تعدي علي خير بس متبقاش زي اللي قبليها و علي العموم اشطه اني لقيتك علي زوربيا طالما مبتبنش في الكليه وراك وراك هههههههه مش حطول عليك وسلام يا باشا

حبيب قلبى طمن عليك قلبى
عامل ايه يا برنس؟؟؟
ههههههههههههه
لأ أنا لسة ما عملتش تفاعل بس انت عارف رمضان يا دوب اخلص تزويغ من المحاضرات و اروح على طول
هههههههههههههههه
المهم كويس انك برضه على زوربيا
و الهوم بيج مولعة يا برنس الله ينور

و الله يا سلم الحال مش تمام بس اهوه عايش لحد اما اموت . و ياما نفسي كده يا اسلام احس بنفس الشعور بتاعك ده مره في حياتي اني احضر محاضرات و اروح علي طول لكن للاسف لابحضر ولا بروح مقضيها صياعه ههههههههههه

لأ دة علشان رمضان بس كل سنة و انت طيب
لكنى بازوغ و الله ما تفهمنيش غلط
هههههههههههههه

و بعدين يا سلم انا مش عارف انت متضايق من البوكسرات ليه مهي هيه دي اللي ساترانا مش احسن من مفيش هههههههههههه

حلوة قوي زي بتاع الخيار دي
بس انت بقي بتحب ايه ف تريبل اتش؟؟؟؟؟؟؟؟؟

ana yasseen
bdrs handsa
maleesh ehtmamat kteer
mby3gbneesh el shbab law fi shabat momkn

وبعدين بقى ياعم ياسين
انا لسه مزعقه لاسلام عشان كتب قبلى
تقوم انت تيجى وتكتب بعديه يعنى
ماشى ياعم .... مردوده لك

m3lsh wlahi ma3rf
bas shkl el site howa ely beytla3 el vip fo2:)

عيتى عليك يا ياسو
يا ابو اعصاب هادية

يانهار مش فايت يا ياسوووو
ماانت يابنى كنت ماشى كويس ف الاول
جيت ف الاخر وعكيت ليه :D
عموما مش مشكله.....انت عارف الواحد بيحب الغلاسه قد ايه

hi ya gma3a ana esmee sara men alex
w f handasa bardo bs ana f kesm kahraba
w b7eb kol 7aga w ay 7aga bs el mohem tkon dmaha khafef w b7eb al3eb kteeeer(aked handasa makany el 3'er sa7e7)
w bye bye

اهلا بيكي يا سارة
نورتي الجروب
وميرسي على مشاركاتك معانا

انا مصطفى هندسة بردة
بس كلية الهندسة الالكترونية
الموجودة بالمنوفية
فرقة اولى تانى سنة ليا بيها
ان شاء اللة ناوى على قسم تحكم ونظم صناعية
ربنا يكرم يارب

اهلا بيك يامصطفى معانا في الجروب

متشكر ليكى
على الدعوة
واتمنى تردى على الكومنت الى فى صفحتك
انى عاوز اتعرف عليكى
ونكون اصدقاء

أنا وليد
من المنصوة
بكالوريوس تجارة
مهتم جدا بالكومبيوتر و الإنترنت
نفسي الشباب يكونوا حريصين على الصلاة علشان هي عماد الدين واذا صلحت صلاتهم صلح عملهم كله واذا فسدت فسد عملهم كله

نفسي كمان الناس تخاف على بعض ويساعدوا بعض وترجع تاني ايام الشهامة والنخوة والرجولة اللي للأسف ضاعت اليومين دول

بجد انا مش عارفه اقوللك ايه؟
انا بحيك علي الكلام الجميل جدا اللي انت كاتبه ده
ويارب امنيتك تحقق
وربنا يكرمك يارب ف حياتك
انا كمان بحاول علي قد ما اقدر احرص علي رضا ربنا
ويارب دايما كلنا نبقي كده علي طول
do7a ezz

العفو على ايه ياضحى أنا مش أستاهل ده كله
وبعدين المفروض أن أي واحد مسلم يكون بيفكر نفس التفكير ده

و أهلا بيكي صديقة وأخت عزيز
بس بلاش عز دي أصل الناس تفتكر انك قريبة أحمد عز واللا حاجة وبعدين يخافوا منك
ههههههههههههههههههههههههه

والللا أنت بقى عاوزة تقولي انك بنت عز زي علاء ولي الدين
ههههههههههههههههههههههههههههههههههههههههههههههه

عموما اتشرفت بيكي و أهلا بيكي دايما

ميرسي لحضرتك الشرف ليا انا
اختك ف الله
ضحي عز

هاى يا جماعه انا خالد بهاء من القاهره عندى 20 سنه اتمنى انى اكون صديق كويس ليكم فى الجروب ده انا عمرى ماشتركت فى حاجه زى كده بس بصراحه انا عجبنى الجروب ده وقولت احاول انى ابقى صديق ليكم لو ده ميضايقش حد انا بدرس حاسبات ومعلومات وبحب دراستى جدا وانا بصراحص رومانسى جدا وحساس اوى ودى حاجات محدش بقى يقدرها اليومين دول خصوصا البنات مبقاش يعجبها الكلام ده بس ده طبعى وعمرى ماغيره وبصراحه مبحبش فى شباب اليومين دول تفكيرهم الوحيد بس فى البنات وازاى يعرف بنات ويقضى وقت لذيذ معاهم ومالهومش اى هدف فى الحياه انا اسف انى طولت عليكم ومستنى ردكم باى

اهلا بيك ياخالد
نورت الجروب

هو انتى فعلا رومانسيه ؟

بصراحة رومانسية بس مش اوي تقدر تقول رومانسية بنسبة
75 % كده

انا بقى مشكلتى الوحيده انى رومانسى بنسبه 150% واللى اكتر من كده او مشكلتى الاكبر انى حساس بنسبه 500% وبينى وبينك معرفش اذا كان ده صح ولا لا وحد بيقدر ده ولا لا بس بينى وبينك محدش بيقدر كده فعلا ولا الرومانسيه ولا الكلام ده خالص الشباب بقى تفكيرهم فى حاجات هيفا اوى يتمنوا يلاقوها فى الشخص اللى هيرتبط بيهم مع ان فيه حاجات محدش بيقدرها وهى اهم من الحاجات دى كتير اتمنى تكونى فهمانى اه وكل سنه وانتى طيبه وانا مبسوط اوى انك قبلتى انى ابقى فى الجروب بتاعكم وده فعلا اول جروب اشترك فيه باى

يااااااااااه ده يادوب يدخلك معهد الحب بس سنتين
آه آسف على تطفلي بس والله أنا لقيتك باعتالي دعوة للجروب بتاعك
المهم أنا إسمي أشرف ديسكو
سني 20 سنة
بأشتغل مهندس كمبيوتر
صيانة وشبكات والكلام ده يعني
المهم أي خدمة يعني لو جهاز أي حد باظ ولا حد محتاج يجهز سيبر يجهز شقة يجهز نفسو
أنا في الخدمة
المهم سيبك من الكلام الفارغ ده
أنا أعجبت بالجروب بتاعك
صحيح انا لسة مخوطتش فيه بس ليه قاعدة يعني
ويارب أقرأ ردك قريب
وأحلى سلام على الرومانسية الكاملة يعني 100 % مش 75 %
باي باي

اهلا بيك معانا في الجروب

متشكر على الرد المختصر
بس كنت بأتمنى إنك تردي عليا بكلام أكتر من كدة
وعلى العموم انا بأدعوكي للجروب بتاعي أنا بأة
هو صحيح أنا لسة مبتدأ
بس معلش
إستحمليني وياريت تقبلي الدعوة
انا هأبعت الإنفيتيشن بعد سماع الصفارة
قصدي بعد إرسال التعليق ده

تعرفى ان انا بحس ان انتى غريبه كده وبجد متسالينيش عن السبب لانى مش عارف بس ده اللى بحسه ممكن تقولى ليه انا بحس بكده وانا اسف لو بضايقك

غريبة ازاي يعني ! ؟

مش عارف بس انا حسيت كده من ردودك على الناس

معرفتش برضه
ايه الغريب في ردودي !؟

جميل قوي ان الانسان يبقي رمانسي وحساس
ومش عاوزاك تبقي متشائم قوي كده من البنات لان مش كلهم مش بيقدروا الاحاسيس والمشاعر دي
مقدرش اقولك كلهم بيقدروا ولا اقدر اقول زيك كلهم مش بيقدروا
وعاوزاك تعرف ان كل الدنيا دي ف كل مكان في الحلو وفي الوحش
واكيد هتلاقي الانسانه اللي تستاهلك وتقدر مشاعرك الرقيقه الجميله دي
واحيك علي اصرارك علي موقفك انك عاجباك شخصيتك طالما مفيهاش حاجه عيب ولا حرام
ربنا يوفقك
do7a ezz

i`m shams from cairo i`ve 18 years old i love reading the politic stories, poetry and writing it also that`s enough :d

الموضوع دة جامد
وعلي العموم انا احمد المصري من القاهره
في فنون جميلة المنيا
قسم الجرافيك الفرقة الثالثة
معايا 4 لغات
انجليش فرينش ايطالين عبري
20 سنة
اللي بيعجبني في الشباب اليومين دول
الاصرار علي الشئ

أولا أأنا بشكركم على الدعوة
أنا اسمي محمد عندي 16 سنة مصري ومن دمياط كمان وعايش في تركيا في اسطنبول وفي ثالث ثانوي وبدرس مناهج سعودية هنا في اسطنبول في المدرسة العربية السعودية في اسطنبول

مش عارف اقول ايه عموما
اسمى محمد مصطفى
سنى 25 سنة
خريج كلية تربية موسيقية قسم اصوات جامعة حلوان بالزمالك
بشتغل شاعر وموزع موسيقى
بالنسبة للشباب اليومين دول فهو شباب زواق ولولاه مكناش بقينا بنشتغل لأنهم لولا اختيارهم لأغانينا اكيد كنا قعدنا فى البيت بجد شباب ربنا يخليلنا زوقهم الجميل فى اختيار الاغانى وانتى من اكتر الناس اللى عجبنى زوقهم علشان الاغنية اللى عجبتك ( بين ايديك )
<<<---visit my profile--->>>

اهلا بيك يامحمد معانا في الجروب

يارب اكون ضيف خفيف عليكم

انت مش ضيف كده خلاص انت صاحب الجروب
اللى نورت بيك
كل سنة وانت طيب

مش عارف اقولك ايه ياحوده بس الجروب منور بأصحابه وياريت اكون فى وسطكم يا اجمل شباب فى زوربيا كله

انا عمرو منطنطا زى ما كلة شايف
انا فى كلية اللغات والترجمة جامعة الازهر
بحب اعمل صداقات بس مع المحترمين بس طبعا

منور الجروب يا عمرو
وكل سنة وانت طيب

hiiiiiii ana a7mad badres handsa kesm mekatroneks w 3andy sherka so3'anona ba7eb el mo3'amra ba7es bel romanceh 3andy 21 sana ba7eb elswa2a w el3arbyat ba7eb at3araf 3ala nas gdeda mab7ebsh el 2kt2ab w el 3'adr w ktar 7aga bakrha el kedb

اهلا بيك يااحمد معانا في الجروب

منور الجروب يا احمد
وكل سنة وانت طيب
رمضان كريم

Hey
Name:Ahmed Zaki
Age:26
Graduated:modern academy managment of accounting
Skillz:Computer Freak-(anything related to Computerz)-
Hobbies:Computerz,Bodybuilding,riding Bikes
My opinion:Guys deserve a better chance in egypt ...god they are geniuses if you let them BE
thanx-(Romance Girl)-

اهلا بيك يا احمد معانا في الجروب

اسمي احمد
من اسكندريه
بدرس اعلام
اهتماماتي هي الكتابه بلا خوف من الرقابه
صريح لابعد حد لدرجه اني هودي نفسي فداهيه
بس مش اشكال

اللي بيعجبني في الشباب بقي اليومين دول
ان كل واحد عايز يبقي نفسه وبس
والجروب بيخلينا كلنا انسان واحد
بغض النظر عن ما بداخلنا
تبادل الافكار والنصايح بكل ود

مش بيعجبني في الشباب بقي
ان كل واحد فاكر ان هو الصح
حتي لو اقتنع بكلام الغير لازم يعمل نفسه فاهم وخلاص
وعلي فكره ماحدش فاهم حاجه
واللي يفهم ارجو كو يفهمني

اهلا بيك يااحمد معانا في الجروب

انا في الجروب من زمان بس المواضيع الحلوه بتشدني

علي فكره يا احمد................!!!
احلي واجمل حاجه ف الدنيا ..............*الصراحه*
لانها بتريح كتيييييييييييييييييييييييييييييييير
وانا باحيك علي صراحتك
بس برضو عاوزه اقوللك علي حاجه انت بتقول انك صريح لابعد حد......
خليك يا سيدي براحتك ف الصراحه بس اهم حاجه انك متوصلش لان صراحتك دي تجرح اللي قدامك
بمعني انه مينفعش يكون اللي قدامك فيه عيب مش بايده وانت تقولله عليه تخليه يكره نفسه
حتي ولو كان اللي قدامك فيه عيب بس باديه زي الكذب خلي صراحتك معاه ف صيغة نصيحه وبرضو خليها بطريق غير مباشر
يارب تكون فهمت قصدي
وربنا يوفقك ويوفقنا جميعا
do7a ezz
do7a ezz

لا تتعجب...ب
أنهم شباب في سن الضياع

مساء الخير لكل اعضاء الجروب .... واحب اشكر الاخت رومنس ع الدعوه الجميله دي .. انا محمد بدرس هندسة انظمة حاسوب سنه رابعه ... من الامور الي بهتم فيها هي قراءة الشعر و لعب الكوره .. والسباحه

اهلا بيك يامحمد معانا في الجروب

مساء الفل عليكم يا جماعة انا مينا من القاهرة فى هندسة العاشر فى اعدادى و بحب النت جداً

اهلا بيك يامينا معانا في الجروب

hi everybody.. this z simply me ..Mohamed ,23 ,live @ Alex & work as a lawyer ...

اهلا شباب انا اسمى حازم الجوهرى
خريج علوم أسكندرية 2005 قسم كيمياء - كيمياء حيوية
سيبت الكيمياء ودخلت فى سغل الملاحة من سنة ونص
اكتر حاجة تهمنى هى الموسيقى المتل
و بكره حاجات كتير فى شباب اليومين دول منها التفاهة بس كلهم حيشوف الحقيقة بعد التخرج من الكلية

اهلا بيك ياحازم معانا في الجروب

احم احم
انا انور 19 سنه تجاره خارجيه جامعه حلوان سنه تانيه
ومن القاهره
مدينه السلام
وبس

اهلا بيك ياانور معانا في الجروب

منور الجروب يا انور

hey everybody,
ana Ahmad Soliman,
badres Computer Science Kont fe modern academy we 7awelt Cairo academy we fe sana 5,
b3sha2 el computers we el bussiness we b7b el rock music we tab3an movies lel sob7 maba2olsh la2 :) & I Love My Friends Soooooooooo Much,,
we 3shan ab2a saree7 mn awelha mafesh 7agat kteer kwayesa fe el shabab el yomen dol momken el wa7ed y2olha bs fe ta7ason by7sal bs ta7ason bate2,
We A7'eran ana sa3eed le wogoody ma3akom & bashkor romance 3ala el invitation.

اهلا بيك يااحمد معانا في الجروب

Merci we ya rab neb2a nice community 3ala edek :)

dabolika 19 frm alex

اهلا بيك معانا في الجروب

Name: Mahmoud Elsadany
PIRTH DAY : 27-6-1986
University: College of Engineering
I see that young people do not have any concerns, however, is the streets and Moakpt fashions and they do not have any other focuses, such as politics or culture, which wants the West

انا احمد 3 هندسة بترول

اهلا بيك ياحمد
نورت الجروب

hi ya shabab .. ana medo mn alex .. faculty of commerce.. 20 sana .. baghany w bakteb aghany.. elly mesh by3gbny el shabab mo3zamhom mesh bethamelo mas2olyt ay haga .. ya3y fokak w nafad w ya3am bokra ahala w keda ya3ny .. ma3lesh tawelt .. medo .. salalem

عندك حق فى شباب
كده
بس كمان فى شباب العكس
ع العموم نورت الجروب يا ميدو
وياريت تعمل توبيكات تورينا فيها اغنيك
منور الجروب يا ميدو

انا سعيد جدا انى بقيت عضو ف الجروب الجميل ده
انا محمود من اسكندرية
اولى اداب اسكندرية
بحب السفر و الرحلات والنت
الشباب اليومين دول ذى الفل وسعات بيعجبونى وسعات لا
بس كده

اولا اهلا بكل الاعضاء
وشكرا على الموضوع الحلو دة اللى بيخلى الناس تعرف بعض وافكار بعض
انا اسمى عمرو
بكالوريوس تجارة
باموت فى كرة القدم
وبحب كمان الموسيقى والاغانى
بحب فى الشباب انة عاوز ويتثقف ويقرب من ربنا وبيحاول يفهم صح
وبكرة فى البعض السطحية واللامبلاة

اهلا بيك يا عمرو ف الجروب
نورت الجروب:)

السلام عليك جميعا
انتم باين عليكم جروب لذيذ واعضاء الذ
ويشرفني اني اكون وسطكم
انا ضحي
19سنه
تالته تربيه فنيه
وبحب كليتي جدا وبحب اصحابي
وعلي فكره انا اجتماعيه جدا جدا جدااااااااااااااااااااااا
وبحب الناس قوي ونفسي ربنا يحبب فيا خلقه
وبكره الخيانه والغدر وطبعا مش بحب الكذب لان اخرته دايما بتبقي وحشه ونفسي كل الناس تبقي مخلصه لبعضها واللي بيحب حد ياريت يااااااااااااااريت يحافظ عليه
وبتمني الكل يتقي ربنا ف نفسه وف كل اللي حواليه

do7a ezz

* انا سارة ... كليه الهندسه قسم كيمياء والحمد لله انا دلوقتى رايحه سنه تانيه
*من اسكندريه
* بحب الرسم جدا والقرايه
* بالنسبه للشباب اليومين دول
للاسف بقى فى منهم هايفين وتافهين
وانا بقول "منهم" ... وع العكس فى ناس منهم لسه كويسين جدا
وربنا يهدى الكل
وع فكرة يا رومانس ..... انا عجبانى جدا فكرة الجروب
فعلا الله ينور
وبجد جروب جميل ولذيذ قوى :DDDD

hwa kesm kemya da 7elw wala eeh>

اه هو القسم جميل ولذيذ وخفيف برضه
وانا حبيته من بعد ما دخلته
:D

iam kopapooooooo

ana ahmed mn alex
fi koleyet handasa we raye7 sana 2ola .... kesm eeh ? lessa mesh 3aref
we ana kont 7a2ol nafs el kalam elly 2alo eslam we sara
we ba2aked 3ala mawdo3 el boxers
hahahaha
bahazar tab3an

ايه يا جماعة ده كلكم كدة كليات ده انتو كبار أوى.
المهم
أنا محمود داخل كلية اداب ان شاء الله
بس لسا باردو مش عالاف قسم ايه
بلعب كرة يد وبحبها اكتر من كرة القدم
مش ذى باقى الكوكب
بحب الروايات الرومانسيةوالبولبسية
شباب اليومين دول تلاقى فيهم
بس اوحش حاجة فيهم
انهم مابيعيشوش حياتهم همة
بيعيشوا حيات غيرهم حياة مش بتاعتهم
انا طبعا بتكلم ع العادات مش اى حاجة تانية
فى ناس ممكن تفهمنى غلط
بس انا مابقولش نكون متخلفين
لكن نشوف اللى يناسبنا
الحاجات الحلوة كتيييييييييييير
اسف انى طولت عليكو
اجمل جروب

نسيت اقولكم انى باعشق 3 حاجات
backstreetboys
والاهلى
و ليوفنتوس

انا في كلية هندسة وداخلة تانية كيميا
بحب النت والمغامرة كتيييير
واكتر حاجة مش بتعجبني في الشباب اليومين دول معظمهم يعني انهم مش بيرسموا لنفسهم مستقبل في خيالهم يعني ماشيين في الدنيا بالبركة من غير هدف معين وتقريبا الموضوع ده هو سبب مشاكل معظم الشباب وده ميمنعش برضه ان في شباب ممتازة عارفين هما عايزين ايه

انا محمد من اسكندريه داخل كلية تجارة بحب كرة القدم و بعشق حاجة اسمها الاهلى وبحب الاغانى موت وبحب وبعشق محمد فؤاد اللى عاجبنى فى الشباب اليوميين دول انهم رجالة مع بعضهم اما اللى مش عاجبنى فيهم انهم بيبصوا لبره دايما بره مصر يعنى و بياخدوا الموضة و كده وانا واحد منهم ربنا يهدينا

كائن ...بحب الاوبرا ميتال والسومفوني ميتال.بحب الفلسفه جدا .وبتاثر بالطبيعه .وخريج نظم معلوامات اداريه.ودمي خفيف علي النت بس في الحقيقه لاء.وده سببه ام الآلاطه اللي في دمي.وكفايه كده

اهلا بيك نورت الجروب

انا هانى عندى 25 سنه مهندس اتصالات وبحب النادى الاهلى وبحب اتعرف على اصدقاء محترمين وبحب اسمع الاغانى الرومانسيه والحزينه وبحب من المغنيين فى المقام الاول الكينج عمرو دياب والقيصر كاظم الساهر وامير الحزن ايهاب توفيق على فكره امير الحزن بالنسبه ليا انسان بسيط جدااااااااااااااا وبحب الحياه

امضاء البى

اهلا بيك ياهاني معانا في الجروب
وعايزين مشاركتك معانا دايما

hhhhhhhhhhhhhhhhhhhhhha
hya ellila di kolaha koliat hndasa
esh6a

طب انت زعلان ان الليلة كلها هندسة ولا مبسوط من كده
معلش وضحلي شوية
بس خد باااااااالك انا هندسة برضه

شوفت خلتني انسى اقولك اهلا بيك في الجروب ومنورنا وجودك معانا في الجروب

hhhhhhhhhhhhhhhhhhhhhhha
thx letar7ibek bya
ana msh z3lan wla 7aga , nice
salamy lelgami3

اااااااااه
كده الكلام ع الهندسة محظوررررر
بس لو مفيش مانع شوية ع الاداب
هههههههههههههههه
احلى كلية واحلى ناس

hhhhhhhhhhhhhhhhhhhhhhhha
asasy agd3 nas , w3la fkra ana kan nfsy ad5ol hndasa bs el magmo3 b2a

مالهم بتوع هندسة؟؟؟
حد عايز حاجة؟؟؟
هههههههههههههههههه

لا ياباشا طبعا
استغفر الله العظيم

malak ya 3m da5el bsedrak 3alena leh
ma2olna agd3 nas
hhhhhhhhhhhhhhhhha

لا يا برنس ربنا يخليك
انا كنت باهزر معاك بس
ههههههههههههههههههههههههههههههه

never mind
ana kman kont bhazar

انتوا لسه كل ده مخلصتوش من حوار الكليات ده؟؟؟؟؟

hhhhhhhhhhhhhhhhhhhha
la 5las 5lsna
salamy lkol el group

kemya wala madany wala power

كيميا يا برنس الحمد لله

ana katabt
1.power
2.madany
3.3omara
4.kemya ba3d keda el ba2y b2a
bs hwa elly 7aygily madany i think

ما انت كدة يا احمد زنقت نفسك كنت عملت حاجة احلى
اصل انت كتبت حاجة مجموعها عالى و حاجة اللى شايل مادتين بيدخلها
فاهم قصدى؟؟

ولله وانت كمان يا كمان اعرف نفسي ازاي
طيب س
هل من استعانه بصديق
ج معرفش لاىاني السؤال مش موجهلي
صباحك عسل انا علي اميلي الي كل واحد في اي حته عرفه ها

ماشى يا عم فارس هاتايميلك بقى
انجز
ههههههههههههههههههههههههههههههه

انا اسمى سوسو من المحله 25 سنه ومخلصه كليه التجاره ومتزوجه وعندى بيبى اسمه محمد

اهلا بيكى معانا
ف الجروب يا سوسو