عديت عليكي يا بلادي

وانا ف منامي

لفيتك حته حته

ركن ركن

شارع شارع

بحر و مزارع

صحرا ووادي



يا بلادي



وانا ف منامي

شايف قدامي

طريق و سور

ميه و جسور

قمره و شمس

عتمه و نور

النور بحور

نشفت على ارضك

و طلع مكانها

جبروت و جور

ظلم و تحكم

و سمعت صوت

لكن مكسور

و الصوت ينادي



يا بلادي



و انا ف نعاسي

شفت ان نيلك

عاقل و راسي

طيب و صابر

وعليه هموم

زي المقابر

عمال يآسي

لكنه برضه

ساتر و كاسي

كل العباد

و يقول ما دول

اهلي و ناسي

عيلتي و ولادي



يا بلادي



وانا وسط نومي

شايف حاجات بتزيد همومي

بلد بتتباع

و الغدر شاع

و الصفوه قالوا

طب ياللا نفسي

و الشعب ضاع

و ده مش مهم

ان كان شبع

او حتى جاع

قسموا البلد اكوام

بيقول ده كومك

و يقول ده كومي

حاجه بتضايقني

خلتني اطلع من هدومي

و لا ابقى عاقل

ولا ابقى هادي



يا بلادي



وانا ف سريري

باتمنى واحلم

حلمي اسيري

ان احنا نبقى

اسعد شعوب

و قلوبنا تبقى

اصفى قلوب

عارفين ده امتى

لما تلاقي الذهب

ع الأرض زي الطوب

ينداس عليه

ماهو مش مهم

لكن الأهم

اخلاق و دين

حب البلد دي

جوه العينين

و نخاف عليه

ده طريق رسمته

ماتشدي حيلك

و معاكي شعب

حكمته كانت ف صمته

بيقول يا هادي

بيقول

بلادي

بصراحة يعني, والصراحة تتقال

رائعة
:)