على سلامه دا مشكله يا فضيله
سمعتيلو على باب سفاره كندا
شكرا على القصيده

انا بشكرك قوى اولا على انك رديت بس بصراحة انا بتعذب شوية فى انى الاقى اعمالوااا
مافيش مكان معين بعرف اجيبها منة زى الاخريين
عموما لو عندك قصيدة سفارة كندا ياريت تثقولها لى
تبقا خدمتنى واللهى
تحياتى لك يا ذووووووووووووووووق قوى
والف شكر ومستنيا القصيدة اوعة تنسا ونبى

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده

مين ده اللي مصر


عملت له توكيل


بالبيع لنفسه وللغير


وكمان بنقل الملكية


مين ده اللي مصر


وقعت أوي كده في هواه


وكل ما يتكلم تقول الله


وكل دقيقة تغنيله أغنية


ومين ده بقي اللي معاه


مفاتيح الشاي والسكر


والهوا والنور والحرية


طب إيه رأيك


التوكيل ده مضروب


بص كده معايا يا عم عطية


ماعرفش يا ابني


تعالي نسأل في الشهر العقاري


الشاعر / علي سلامة

مش بقولك الراجل دا مشكله
تعرفى بقى واحده اسمها ايمان بكرى
قصدى طنط ايمان

دى بقى حكاااااايه
دى بقى بتاع الشهر العقارى كله لا مش الشهر دى السنه العقاريه كلها

لاء بصراحة مش اعرفهااا مين دى؟؟؟؟؟
منك نستفيد ماشاء الله عليك
قولى بقا مين دى وقصتها اية ؟؟؟؟؟؟؟؟

ايمان بكرى
كلنا بنحبك يا حمار
بقولو في مطرب مكّار...بغني بحبك يا حمار
الواد ده وصويلي وكداب... ومنافق وكمان معّار
واشمعني لوحدو ليحبك...كلنا منحبك يا حمار

ده الأرنك فعلا متفاهم...ومبرطع فينا ومش فاهم
وبتبعد عن اي تفاهم...بعزيمه غبيه واصرار

في عشره ما بينّا ما بتهونشي...وان هانت بردو ما نقدرشي
محكمت العدل ما تحكمشي..وان حكمت حتولّع نار

مثّلتو علينا الثلاثيه...في بطوله وكانت جماعيه
وعشان ما حتكمل سداسيه..عملتو الف حصار وحصار

وفي وسط ميدان الحريّه...في شعله مسكاها وليه
ما تكنش دي ليزا المخفيه...مدّيه اشارة انذار

وعلى العموم انا حبيتك..والاهي يخرب بيتك
لو يوم حتشك باخلاصي...وتصدّق دم الاشرار

هوا سؤال وما فهشي هذار...هوا انت حمار يا حمار
عشان تصدّق انو الفار..ممكن يقول لأسد يا حمار

وبعهدك والعهد امانه..حتنّك على طول ويانا
حمورية اهلك عجبانا...يا واخدنا من الدار للنار

كل الحمير اهو انعملت تيم...واتفقو انك بغل عظيم
وحيوزعو شراب برسيم..عالعربخانه وعالزوار

ارجوك يا حمار بس افهمني..انا مش حمّار حتخاف مني
ده انا بردو حمار واحمر منك...ما اتنهّئ قول اي حوار

منقلك شي ما بتمشيشي..والحا منقلها ما بتجيشي
ومنقلك يس ما بتيسش..وكمّل بينا المشوار
وعلشان كده طبعا حابينك...كلنا منحبك يا حمار

دى ايمان البكرى الى قولت لى عليها
يالهوى دى جامدة قوى
وهية عايشة ولا انتحرت من الدور السابع فى وفاة غامضة
؟؟؟؟؟؟؟؟؟؟؟

لا لسه عايشه وليها حاجات جمييله كتيير

دستور يا اخوانا يا بعدا

لأ سوري دستور م البعدا

محبوس حابس يا سيادنا

و بكاكي من فوق مدنة

و ورايا ديوك بيكاكو

حرصوا عالباقي معاكو

بركة مولانا هولاكو

حلت و علينا اللعنة

طرطور طرطر طراطير

بيغروا فالدساتير

و لا عاد فالحتة كبير

و يا وارث تورث مين

ما الورث إتباع و إتبعنا

نرجع تاني لموضوعنا

و بيان لديار الإفتا

من جمهورية زفتا

لعبو و عملوها إستفتا

صوت ياللي سامعنا

و قوللي ملك ولا كتابة

أسد شبل ف الغابة

و احلف وحياة راس بابا

زفة فمولد كدابة

و الله يجازي اللي خدعنا

للجوكر ألف تحية

ملعون خاش الحرية

يحيا قانون العبودية

و القوانين الوضعية

و الحكومات الشمولية

لها مني ألف تحية

وحياة أمي دي رجعية

و لو صوتنا و جعجعنا

واحد ولافيش غير هوه

قاعد متربع جوة

و بكيفك أو بالقوة

لو سوبر مان و فتوة

روح قله بقى يودعنا

عصابات شغل فتوات

و إستعباط على حركات

و السقا أبوه لو مات

حيقوم يسقي الشربات

و يكمل على مواجعنا

مزيكة و تراباتتو

و نفديك بالدم.. إفدوه

بس إحنا و رحمة أبوه

مين ده اللي حيلوي دراعنا

روح هاتلي لمون بالصودا

انا حاسة بريحة شوطة

حيصعدوا فصل الروضة

و الورث حيصبح موضة

لم الجدعان و اتبعنا

على قهوة ساقية مكي

نصرخ نلطم و حنبكي

ده ناويها و بيتكتكلي

قبل ما حتى يودعنا

ظقططوا يا عيال قولوا هيه

الحكم صبح تيك أواي

لو عايز قول أوكيه

و لو رافض قول أوكيه

في كلا الحالتين نوو واي

غير كودية و زار ينفعنا

لأنا عايزة بخور م الجاوي

و حمار أرمل و حصاوي

و دراع برغوت مش غاوي

تنطيط عفريت و مخاوي

شلة مقاطيع يقطعنا

حابس من شر الكرسي

من شر عزيزة و مرسي

من قرص النمل الفارسي

م الأحياء و الأموات

من كايرو إلى بغداد

أشتات أشتوت أشتات

حرصوا من لعب السيكا

م الحكشة و م البولوتيكا

و لا تشمت يوما فيكا

مارشيل بنت أم ماريكا

قول حاجة الله يهديكا

و ادعي معايا يخليكا

حلوا بقى عن أوجاعنا

و انصرفوا عليكوا اللعنة

انصرفوا عليكوا اللعنة

الله اية الجمال دة
هههههههههههه
دى رائعة والهى انا مش اعرفها الا منك دالوقتى
بقا ياربى نااا تعبانة انى الاقى اعمال الاستاذ على سلامة
كمان هتعب ادور على اعمال ايمان البكرى
اقولك
الغالى تمنوا فية بينا نروح ندور نلاقيهم فين
مع ان فى اى قسم اكيد هيبقوا موجودين بشحمهم ولحمهم
بس متعرفش انهى قسم
الوايلى ولا المغربليين؟؟؟
اقولك الى يسئل ما يتوهش

ربنا يجعل كلامنا خفيف عليهم
انا عايز اعيييييييييييييييش
ولا اقولك مش فارقه انا كدا كدا ميت

انت وكم واحد تانى ميتيين
تعرف تعد!!!!!!!!!!!! ولا تخاف من الحسد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المهم
متنساش تبقاا تبعت لى الجديد من الاعمال وخاليك فاكرناااا يا عم
شكرا يااا ميت عقبال ما تمشى فى جنازتى

وبعدين انا هفضااا مستنياا كتير مفيش حاجة لعلى سلامة ؟
دلنى يا صديقى
صبرت كتير شوف لنا كم قصيدو كدة من النوع الحلو واتوصااااااااااااااااااااااااا

كلك ذوق يا اية قوى
ويخليكى انتى كمان ياا بنوتة يا عسولة

هيييييييييه لقينا حد يجبلنا عيش وحلاوه
ولا ايه يافضيله
بس ياريت بعد اذنك يا ايه ابقى هاتى جبنه رومى كمان
وزابدو ولا اقولك بلاش الزبادو علشاان هيخطفوه منى
:S

ههههههههههههههههههههه من عنيا والله بس قلولي انتوا مظبطين علي سجن ايه بالظبط وانا هظبطكوا وخلاص مش هجيب زبادو هجيب اي عصير باللبن ولا يهمك

والله حتى الان لسه مانعرفش
ابو زغبل زحمه الايام دى
القناطر هناك الدنيا حر اوى

هنشوف ربنا يسها ادعلنا انتى بس

اية انا عاوزة لبن رايب
وعلبة سجاير ارشى بيهااا اصحاب المقامات الرفيعة
ومتنسيش تقومى لنا محامى خلع
ههههههههههههههههههه

اامين يارب ويكفينااا شر ولاد الليل يارب
وولاد الحرام
ويخلى لنا ولاد الحلال دة لو فية منهم

هههههههههههههههههههه اوكي يا من عنيا هجيبلك اللبن الرايب والسجاير بس ممكن تقوليلي النوع بتاع السجاير وكمان اجيبلك عليها الصورة بتاعه الراجل اللي عنده واليعاذبالله المرض الخبيث علشان يهتدوا
وبرضه الحمد لله لسه فيه ولاد حلال بس ولاد الحرام اكتر في الايام دي ههههههههههههههههههههههه

ايوة انا عاوزة العلبة الى عليها الراجل الى بيموت دة يمكن يتعظواااا
وعاوة كمان شوية هدوم من عباس العقاد علشان العيد بقااا واحنااا ماسكين ومش قادرين نخرج نشترى وعاوزة تقدم لى للعيال فى المدرسة وتعملى باصلك الطيب وتكتب لى هم املاكك علشان المستقبل
وعاوزة كمان عربية جديدة بس مش قسط وشقة فى الرحاب
طبعا كل دة لانى مش قادرة اخر من سجنى انما لو كنت برة السجن كان زمانى جايبة كل دة اة
بقولك صحيح نسيت اقولك اوعة اكون تقلت عليكى فى حاجة؟؟؟!!!
مش هسامح نفسى ابدا لو كدة
هههههههههههههههههه

هههههههههههههههههههههههههه هو اولا انا بنت وثانيا من عنيا كل حاجه بس انتي عارفه الظروف داخلين علي دراسه بقي دا انا قطمت وسط اللي في البيت مصاريف كتب بقي وهدوم مدرسه وعيد انتي عارفه الحاجات الفاضيه دي طبعا وطبعا ماتقلتيش خاااااااااااااااالص انا اقدر من عنيا اجيبلك اللي انتي ايزاه دلفري ومن غير فلوس علشان خاطرك

انتى ذوق يا اية قوى
طيب خدى الورد دة هدية علشان انتى بنت حلال
وبعدين لما تخلصى دراسة وتشتغلى دة لو لاقيتى شغل يعنى
نبقااا نكمل كلامناا هههههههههههههه

كلك ذوق يا اية واللهى وعسولة ربنا يعينك على الدراسة وتنجحى وتبقى هايلة

مرسي يا فضيله ربنا يخليكي

hahahahahah

ياعينى فضييله ما صدقت تلاقى حد يجبلها حااجه
وعايزه كمان سجاير وعلييها صوره بيومى
كمان شقه
يااه يافضيله احنا فى مصر انتى مش واخده بالك ولا ايه اطلبى اوضه بس
قال شقه قال وكمان فى الرحاب

اية بتتعلم وقالت لى انة اهلهاا بيصرفوا عليها علشان تعلم يعنى اية بتتعلم وهتاخد شهادة وهتجيب لى الى نفسى فية اقولك يا اية هات لوا كمان معانااا شقة وعربية اياك يعجبوااا
قولت لى احنا فين؟؟؟؟؟؟؟؟؟
خلاص سوكى يا اية على الى طالبناة وكفاية شقة فى الدويقة
يبقا كتر خيرك

ههههههههههههههه من عنيا

الديك دا طور


ايها السادة اللى مش ساده

اليكم نشرة الهم المعاده

فى حديث خاص لاذاعة

هس هس العالمية

صرح الوالى المعظم

من ولاية ننه ننه

للولايه بتاعنا احنا

اللى فاهم كل حاجة

واللى مش محتاج لحاجة

الا لشوية عزيمه

على حبة من ارادة

بس عايزين الصراحه

كان حديثه نيله خالص

سورى عفوا !!

كان حديثه حلو خالص

والمذيعه حلوه خالص

والكلام كان حلو خالص

بس كان هايس ولايص

تنك الساعتين بطوله

مش لاقى حاجه يقوله

واللى يقوله يعيده

واللى بيعيده يقوله

خلت العثمان بتاعنا

عقله خلبط خلطبيطه

قاله يخرب بيت ابوكى

قولى حاجه يا مصيبة

انتوا وياهم علينا

ولآ ويانا عليهم

تنح المذكور وقاله

يا بلاوى أفهمونى

انا طول عمرى حيداى

اعشق اللون الرمادى

و أكره الفعل الارادى

بس فكرى زى فكر اللى جابونى

كان ضرورى يكون احادى

قاله عثمان يا عظمتك

يعنى قصدك ديك دا تور

قاله ديك دا اللى قصادك ولا طور

قاله عثمان شايفه ديك .. والله اعلم

قاله يبقى انت اللى طور ... !!

ههههههههههههههههههههههههههههههههههههه هو طور بالفعل

انا ما اعرفش حاجه
انا ماشوفتش حاجه
انا ماسمعتش حاجه
والسلام عليكم ورحمه الله وبركاته

انتى قراتى بحبك ياحمار

طبعا ودي حاجه ماتتقريش؟

ههههههههههههههه
مين الى كاتبها قولت لك اكتب اسموا فى الاخر انت عاوز تفسحنا ولا اية
يا عم انت اكتب الاسم فى الاخر
يالهوووووووووووى

طنط ايماان بكرى

مع تحيااتك

اطمن اطمن مش هيعملواا فيهم حاجة
اطمئن انت شكلك عاوز تبقاا بو سويلم
امممممممممممممممم
عموما ايمان بخير وعلى بخير والاحوال مستتبة
اممممممممممممممم
اممممممممم
اممممممممممم
وسلام الى بابا وماما وتيتا وجدو وستو واللى سمعيناا والى مش شايفناا والىى بيقولواا لنااا نيناا هوه هوه