احسب جروح الوطن لاتحسب جروحك***
لو ينطفي الحطب للشرف وج روحك***
وانراد كاس الوطن يسجيك فج راحك***
حبل الوطن من ينكطع شده ***
لابد يصيبك عسر گبل الوصل شده***
حايط ضلوعك على ساس الوطن شده***
او جرح العراق ان نزف لاتبخل ابروحك

عاشت ايدج يا وردة كلمات جدا جميلة ومؤثرة
ربي يحمي العراق واهله الطيبين
تستاهل التثبيت ...

بسم الله الرحمن الرحيم نحن العراقيين نقول ما لا نفعل ونفعل ما لا نقول كلنا هربنا عندما احتاج الوطن لنا وانا واحد من الذين هربوا نقول نفدي الوطن بارواحنا ولكنا لا نفعل سوى الكلام ولو انه اضعف الايمان بس هذا مو كافي حتى هذا الكروب الي انشئة اخونة محمد علمود العراق محد ما يطبلة ليييييييييييييييييش لانهم ملتهين لو بالبنات (مع احترامنا لخواتنا وحبيباتنا البنات) لو بالاكل لو بغير شي معظمه تافه ارجو من الشباب ومن خلال موقع زوربا ان يكونوا على كبر المسؤولية الملقاه عليهم كعراقيين وعلى الاقل يشاركوا بهذا المنتدى وبهذا الكروب وخاصة ان العراق معرض الى ان يمحى تاريخه واعطيكم معلومة خطيرة وهي ان بعض المجموعات تقوم بسحب الكتب التي تهتم بتاريخ العراق من السوق وتقوم بحرقها وهذه العملية تجري يوميا فيا عراقيين اتحدوا لنعيد امجاد الماضي بايدينا فالمشاركة ونشر حضارة العراق اضعف الايمان وعذرا اذا نتج عني بعض الكلام الي ما يرضى بي بعضنا ولكن هذه هي الحقيقة

السلام عليكم
عاشت ايدك اختي على الكلمات

عاشت ايدج على الكلمات الحلوة , بس اكو شئ مهم احنا العراقيين ناسي وهو ان العراق مايحتاج الى ان نحسب جروحه او ان نبكي وننوح عليه .... لالالالا العراق يريد وقفة حقيقية ومشرفة حتى يرجع العراق للعراقيين.


تحياتي

عاش الوطن وعاشت ايدج
ومثل ماتفظلوا بعض الاخوان الوطن محتاج فعل مو بس قول هذة صحيح بس شنسوي هذة اضعف الايمان عسى ان ينفع بشيء
واخيرا اقول فداك روحي ياعراق

مع الاسف الكلام بسيط لكن الفعل صعب جدا
لانسمع سوى الشعارات وخصوصا من جهة الشباب