توبيك هايل فعلا رضا الناس غايه لاتدرك
وصعب ترضي الناس اذا فلنرضي الله وانفسنا ونحقق رضا انفسنا بدون النظر لنظرة الناس طالما اننا نراعى الله فى كل مانعمل وطالما اللى هنعمله مفهوش اى شيء يغضب ربنا
يبقى نراعى ربنا ولا نظر لنظرة النا
تسلم ايدك على التوبيك

اهنيك على رجاحة عقلك

احنا دلوقتى مشيين بأسلوب ازاى نرضى العبد وبننسى الرب

ربنا يهدي الجميع
ويرضى عننا جميعا

اللهم امين

الناس بتخاف من الفضايح
علشان صورتهم الحلوة متتهزش في اعين الاخرين
وبيتمنوا يكونوا كاملين للاوصاف
قال الله مخاطبا رسوله
وتخفي في نفسك ما الله مبديه، وتخشى الناس والله أحق أن تخشاه

وقال الشاعر
ضحكت فقالوا ألا تحتشم *** بكيت فقالوا ألا تبتسم
بسمت فقالوا يرائي بها *** عبست فقالوا بدا ما كتم
صمتّ فقالوا كليل اللسان *** نطقت فقالوا كثير الكلم
حلمت فقالوا صنيع الجبان *** ولو كان مقتدرًا لانتقم
بسلت فقالوا لطيشٍ به *** وما كان مجترئًا لو حكم
يقولون شذّ إذا قلت لا *** وإمعةً حين وافقتهم
فأيقنتُ أنّيَ مهما أرِدْ *** رضا الناس لا بد من أن أذمّ


ممكن يكون ده تخيل للفضيحة الكبري يوم القيامة لمرتكبي المصائب
الفضيحة امام الخالق وامام اعين جميع الناس

كلنا بنخاف من الناس لكن بدرجات متفاوتة وده طبيعى بما اننا كائنات حية تعيش وتتعايش وتتأثر بالبيئة المحيطة بنتأثر بيهم وبنأثر فيهم
بس انا قصدى مينفعش اهتم بالناس وانسى ارضى ربنا
قول الشاعر صائب جدا اهنيك لاختيارك له سند فى رأيك

السلام عليكم

اخبارك ايه ؟

بجد توبيك جميل اوي

وانتي طرحتي موضوع مهم

ناس بتخاف من بعضها وتقول اصل خايف يقول عليا وكمان احنا ممكن شعب مصري لو حد عرف حاجة مش بيتبقي ف بوقه فوله

ينشر الخبر ف ثواني

فعلشان كده بقي بيهمنا كلام الناس اوووي

وده طبعا غلط اصلنا لو بالطريقة دي مش هنفلح

اولا نرضي ربنا عز وجل

من رضا ربنا علينا

اكيد هيخلي الناس ترضي عنا

صح ولا ايه؟

وعليكم السلام ورحمة الله وبركاته

الحمدلله كويسة
اخبارك؟

رأيك صحيح بس فى مجموعة من البشر بتعمل للناس الف حساب وبتنسى رضا ربنا وتقول اصل ربنا غفور رحيم

طيب يعنى عارفين ان ربنا غفور رحيم معرفتوش برضه انه شديد العذاب
ودول بيضيقونى قوى

كلنا بنخاف من كلام الناس وبنتحاول نتجنبه بس لو فى معصية للخالق فليتحدث الجميع كما يشاء وارفع شعار الكلام حرية شخصية انا مقدرش اسكتهم

الحمد الله ماشي الحال

معلش انا عارف مقصر شوية ف حق الجروب

بس غصب عني ف اسباب بجد تمنعني


المهم

ربنا غفور رحيم بيرحم ويعفو عن اي

حد


لما الواحد يعمل مشكلة او فضيحة او ذنب
يمسكوا الواحد مش يسيبوه

زي بيقولوا بينحلوا وبره

اه والله فعلا بينحلوا وبره واللى يتكلم عليه الناس بيحس انه ماشى بوصمة عار حتى لو حاجة هايفة تلاقى الكل يشاور عليه او يتهامسو اول ميعدى من جنبهم
يلا ربنا يكفينا شر الناس وكلامهم فهم اشبه بالشياطين الواحد يستعيذ بربنا منهم بل انهم اشد ضررا فشياطين الانس العن واشد قبحا من شياطين الجن

معاكي ف كلامك

ممكن ده طبعنا او تطبعنا بكده المصريين بالذات
يعني قاعدة القهاوي والكلام ده

بتجيب اننا نتكم

ده علي فكرة بيدخلنا ع موضوع خطير يا اوركيد

النميمه صح ولا ايه

النميمة دى احد صفاتنا كمصريين وشئ بنحاول نقلل منه لكن مش هنعرف نخلص منه الشعب كله بينم بجميع طبقاته ومش بس فى قاعدة على قهوة فى قاعدة عصارى ،الجروب بتاعك داخل الجامعة،الانترنت نفسه اغلبه نميمة فى اى مكان تتواجد فيه تتواجد النميمة

فعلاا


ربنا يحفظنا يااارب

امين

بس الموضوع مش بالتمنى او بدعوة تكتبها وبس ومنتش عارف قيمتها احنا مش بنحاول نعمل حاجة علشان نبطل نميمة كل اللى بيحصل ضميرك يأنبك على اول نميمة لحد متبدأ فى واحدة تانية

مش فاهم قصدك ؟

يعنى انت بتدعى يارب احفظنا من النميمه وممكن بعد 10 دقايق تقعد تنم عادى جدا ومفيش اى مشاكل

عالفكرة انا مش قصدى انت بالتحديد بس ده سلوك مجتمع كامل بيتصرف كده وانت جزء من هذا المجتمع بل عضو مؤثر فيه

ممممممممممممم
اكيد طبعا

عادي ولا يهمك

عارف انتي مش تقصديني يا دكتورة

على فكرة دى احصائيات انا بعملها يعنى الكلام مش من فراغ

اكيد طبعا يا دكتورة

كلام الناس لا بيقدم ولا يأخر
المهم نرضى ربنا
لان الناس مهما عملنا مبيرضوش ولا بيعجبهم حاجه

توبيك جميل
جزاكى الله خيرا

صح والله الواحد مهما عمل مش هيرضى حد خلاص بقى يرضى ربنا ويرضى نفسه

نورتى يا مسلمة
جزانا واياكى

كلامك جميل جدا واى حد يتمنى يكون كده حتى انت
بس الطبيعى بما انك كائن حى يعيش ويتعايش ويتأثر بالبيئة المحيطة فأنت اكيد برضه بتتأثر بكلامهم ممكن يكون بنسبة اقل من غيرك ولكن اكيد طبعا بتعملهم حساب فى بعض الاحيان

ولا ايه
يا
eng?

ممكن أتأثر بكلامهم بس بمقدار صغير مش لدرجه أني أغير من تصرفاتي اللي أنا مقتنع بيها علشان أعجبهم وألا لو أنا مشيت ورا كلامهم فبكده هما هيتحكموا في أفعالي وتصرفاتي

عندك حق الواحد ممكن يتأثر شوية بس مش لدرجة انه يكون امعة

لكل شئ مقداروحسابات مختلفة حتى الخوف

منورنى والله بمشاركتك ورأيك اضاف كتير للتوبيك

ربنا يخليكي يارب والله موضوعاتك دايما جميله ومنوره بيكي دايما

جزاك الله خيرا

احنا البشر كلنا لا نتمتع بصفة الكمال فالكمال لله وحدة جل في علاة فكل انسان فينا في نقص اوعيب معين ... يعنى الانسان اللى خاف من كلام شخص اخر علية او انة ينظرة بنظرة لا يرضى عنها هو فاليتذكر انة انسان مثلة وفية نواقص ... يعنى الناس اللى انت خايف من كلامهم مش ملايكة لا تخطء

والمهم ان والخلاصة هى محاولة ارضاء الله و ان نجتهد في ان نكون في احسن صورة امام الله وليس الناس ...

اسفة علي التطويل