السبب فى كتابة هذه الرسالة انها كانت فى حوار مع زميلة انجليزية

وبعدين بتقولها :



الشغل هادى النهارده

قالت لى : تاتش وود ( امسك الخشب )

وطبعا العبارة دى هم بيرددوها كتير زينا

بس هى سألتنى: انتم عندكم اكيد بتقولوا حاجه بدلها

قلت لها: لأ..بنقولها هى هى

قالت لى : بتقولوا امسك الخشب برضه ؟

قلت لها: آه...

قالت: المسلمين بيقولوا (امسك الخشب)؟؟؟؟ معقوله؟؟؟؟



استغربت انها مستغربة أوى كده...

قالت لى: أصل الخشب ده المقصود بيه الصليب..خشب الصليب...



كانت اول مرة اعرف المعلومة دى فحبيت انقلها لكم لو ماكنتوش عارفينها..وبرجاء نشرها..علشان اللى مش عارف يعرف..



بدل ما احنا طول النهار عمالين نغنى:

امسكوا الخشب يا حبايب..امسكوا الخشب....

لاحسن نتحسد يا حبايب...امسكوا الخشب...

ويا ريت نعرف أصل كل حاجه بنقولها...بدل ما احنا كده بنردد تراث الغير



ملحوظة :



فضلاً عن ذلك أن كلمة امسكوا الخشب إذا كان المقصود بها دفع الضر أو دفع الحسد فهذا مخالف لعقيدة المسلمين الصحيحة



لأنه لا يحمي الإنسان إلا الله ولا يمنع الضر إلا الله ولا ينفع إلا الله



فأي شيئ مادي أو غيبي ( سوى الله ) يتم الاستغاثة به كخشب أو حجاب أو تعليق كف أو حدوة حصان أو الاحتماء بقبر أحد الصالحين ، كل هذا يعتبر من الشركيات



فالأولى الاستغاثة والاستعاذة بالله



وصدق الله حيث قال ' فالله خيرٌ حافظاً وهو أرحم الراحمين ' .



أرجوكم لا تمسكو الخشب

لولا شكرا على اهتمامك بنقل المعلومه دى بس بجد
ممكن يكون فيه اختلاف فى الجوهر بتاع الكلمه
بدليل هماما الاجانب او بمعنى اخر الديناتالاخرى بيقولو صلى على النبى يبقا هما مؤمنين بربنا زينا اكيد لا مش قصدهم كده وارجع اقول بارك الله فيكى

أولا معلومة جديدة جداااااااااااااا
فعلا و أول مره أعرفها
بجد تسلم أيديكى
و جزاكى الله خيرا
و بعدين بدال منقول أمسكى الخشب منقرء الاذكار هنخصر ايه يعنى
والله دى حتى بناخد بيها ثواب حسنااااااااااااااااااااااااات
ربنا يهدينا
تسلمى يا جميلة تانى

جزاك الله خيرا
شكرا علي المعلومه

السوريين بيقولوا دقوا على الخشب
الله يجزيكي الخير مجمد

اللهم امين
وربنا يوفقك لخير الامة الاسلامية
لا الاه الا الله محمد رسول الله
اخوكم في الله محمد