لكل البنات .. معلومات تهمك جدااااااااااااااااااا
********************************************
أ)اغلى نصف فنجان ماء مع كركدية واخلطى المية بعد الغلى مع فازلين وادهنى شفايفك كل يوم بالليل اسبوع شفايفك بتبقى وردى طبيعى لمدة شهر.
ب)اخلطى كريم الاساس فى كف يدك مع كريم مرطب واقفلى اليد الاخرى واخلطيهم مع بعض وضعيهم على الوجة يمنع تكتل كريم الاساس وهيديكى لمعة تحفة ويمنعة من التشقق مع الوقت الطويل ولا اغلى ماركة.
ج) وضع ماء الورد المخصص للشرب على ماء الشرب العادى بيورد كل بشرة الوجة والجسم وينظف الجسم ايضا من الداخل ودى وصفة الايرانيات هتلاقيهم بشرتهم تحفة من مية الورد.
د)دايما اشفطى بطنك للداخل كل ما تفتكرى شهر وبطنك هتختفى احسن من اى تمرين الشفط بيقوى عضلات البطن حتى مع الحمل والولادة.
ه)للمعان الشعر قبل السشوار اشطفى شعرك اخر شطفة بالماء المضاف الية الشاى المغلى بعد تبريدة واتفرجى.
و)وانتى فى المصيف التراب الموجود تحت الماء على الشط خدى شوية وادعكى سنانك هتبرق تماما ولو دعكتى وشك كل الخلايا الميتة هتروح من الاملاح الموجودة فى التراب.
ز)اغسلى وشك بالصابونة واتركى الرغوة وضعى اربع نقاط معجون اسنان على الرغوة وادعكى وشك وبعدين اشطفية هتتصدمى قومى جربى وارجعى ردى تفتيح انعاش لون وردى وهتلاقى البشرة بتتنفس.
ح)وانتى على الكرسى وقاعدة قدام الكمبيوتر قومى واقعدى 5 دقايق بتتخلصى من الارداف والشحوم المتركزة فى هذة المنطقة.
ط)زبدة الكاكاو لدهن كعوب القدم ( اللى بنستخدمها للشفايف ) بتخلى الكعوب تحفة ادهنيها بالليل والبسى شراب وشوفى النتيجة الصبح.
ك)عند غسل الشعر بالشامبو اقلبى راسك لاسفل واقلبى شعرك للامام وادعكية بينشط الدورة الدموية للشعر وبالتالى يمنع سقوطة.
ل)شرش الجبن ( او الماء اللى بيكون فى علبة الجبنة ) حطية فى زجاجة وادهنى وشك منة مرتين فى اليوم تفتيح وترطيب وازالة البقع والنمش.
م) تغيير نوع الشامبو كل اربع شهور لان شعرك بياخد علية ولو بتحبى نفس النوع ابقى ارجعيلة بعد التغير عادى بس غيرى وارجعى.
و)ضعى طلاء الاظافر فى الثلاجة قبل وضعة هينشف بسرعة ويتحط بسرعة .
ن)عضتك نموسة او حبة فجاة وعندك خروجة بسرعة حطى عليها اى نوع من قطرة العين.
ش)خايفة على الشراب النايلون من القطع اغسلى رجلك ببلسم الشعر واشطفى رجلك هتبقى نعمة موت حتى لو مش هتلبسى شراب .
س)مزيل الماكياج خلص استخدمى الزبادى لازالة الماكياج ومنة ماسك سريع هتتصدمى من النتيجة.
ص)قشر الرمان نشفية فى البلكونة كويس ودقية واطحنية بودرة وضعية تحت الابط لمدة اربع ايام رائحة العرق بتختفى شهر.
----------
للامانة منقول
بس صاحبة الموضوع بتقول انها جربت بنفسها والنتيجة هايلة
--------
احتراماتى

هاي ياام دودو
ايه المواضيع الجميله دي
وعلي فكره ولااي بنت بتقري الموضوع انا جربت معظم الحجات دي وادتني فعلا نفس التاثير الموجود بس المشكله بقا ان الحجات دي عاوزه مواظبه وانا بملل لكن كله صح

بجد نصايح كويسة
خصوصا الشفايف بس أنا مشكلتى أنى لما بلاقى شفايفى ناعمة بعض فيها وأكلها
ادعولى أخلص من العادة الفظيعة دى
سلام

شكرا يا ام دودو على النصايح الجميله دى

ma3lomat mofida merci ya ome dodo 3ala lwasafat di