الاخت العزيزة سرور،
شكراً على طرح المواضيع ذات التاثير في الاطراف الشبابية.
بدون نقة كتيرة انا عايز اقول الاتي:
البت عايزة العربية والموبايل وشهر العسل برة البلد، وراجلي عمل وسوا، وطالعين نتفسح، وعيد اول لقاء، وعيد زواجنا، و ، و ، و ...
اما الشاب، الفيهو مكفيهو.. انا ما اكل عشان اوفر حق الشيلة والريحة والجرتق والشبكة ومصاريف الفندق وايام شهر العسل، وهدايا اول ايام، ومصاريف الحجز للولادة، وملابس الطفل، والتطعيم، والعلاج، الدراسة، والمدرسين الخصوصيين، والجامعة القبول خاص، والماستر، والخدمة الوطنية ، مصاريف سنتين العطالة ، و، و، و ، ... اقوليك حاجة يابت الناس، انا دربي طويل، لو جاك عريس جاهز اقبلي بيهو.. هذه الجملة التي يهرب بها الشاب من عناء الافكار المميتة، لكن لازم تعرفي يابت الناس، لو قلتي ليهو، لا انا بعيش معاك على الحوة والمرة، انا راجياك وما حأتخلى عنك.. فاللحظة دي كل همومو حتهون، وحيفكر كيف ممكن يستمر معاك وما يخسرك... لانو ما حيلقى زيك..
قام قال اتقدم لحبيبتو... انقر حصل شنو!؟؟
ابو البت: اها يا ولدي انت شغال شنو؟ ووين
الشاب: والله يا ابوي، انا لسة يادوب خريج، وساكي الخدمة وربنا يهون
ابو البت: ويا ابني ناوي تعيش البت دي وين؟ معا اهلك؟
ويبدأ وابل الاسئلة المحرجة برجم الشاب المغلوب على امره...الخ

انا ما بلوم البنات ولا الشباب.. انا بلوم المجتمع المتمسك بي تفاهات ما بتسوى،والنتيجة ايه؟؟؟
الشباب ساكي الجكس، فالجامعات ولا النت، ولا عفراء او لذيذ وما ادراك، والبنات الله يعينم، الواحدة ما حلمانة في عريس ولا بعد 20 سنة، يعني بعد سن اليأس... اخ، اخ ، اخ.. والحال دا لمتين؟؟
ربك اعلم
عذراً اذا اثقلت

الاخ ماجد
اعتقد انك اوفيت وزيادة.
الغلط من اهلنا البيحاسبونا بحسب قوانين جيلم العاش في نعيم ورخاء وكان العرس بي نسأل عنك. حسة بقت شغال وين ومرتبك كم وعندك شنو... والنتيجة... مجتمع منحل, شباب رافض فكرة الزواج عن بكرة ابيها طالما متوفر مايعرف بال"تيك اوي" اذا فهمتوني!
ياريت الناس توعى لي ان البيرزق هو الله وزي ماقال: "خذوهم فقراء يغينهم الله من فضله"
يعني ماجبت التايهة لكن اهو بنحاول.
ربنا يعرس ليكم.
نايس توبيك
فوت

حبيبنا ما جد ما خليتا لينا حاجه نقول من بعدك .. يديك العافيه

الله يعافيك يا كلونيل

شكرا ياسارة على الموضوع بس عايز اصحح ليك الكلمة بتاعت الحب المستحيل شوفي ليها اى كلمة تانى غيرها لانو مافى حاجة اسمها حب وانتى قلتيها انو يجى العريس الجاهز ويخطفهاوتنسى الاول كان لم يكن هل تعتقدين انو دا حب صراحة كدا لو فرضنا انة انا عندى معاك علاقة والحب بتاعنا بيضربو بيه المثل و5سنة بنحب بعض وجيت لى اهلك ووافقو مبدئيا كلو لو جا واحد من برة اول ما وصل عندكم عرباتو صف عندو هنا كذا شركة جاب ليكم هدايا بالملايين وقال انو حايديك بيت 3طوابق انت واهلك و....و....و....و...وحاجات ما حاقدر اعدها ليك تفتكرى اهلك حايقولو شنو او حايقبلو بى تانى طبعا حايفتشو لى عيوبى وانا الكنت زمان الاول عندهم هل حيتزكرونى او انت حاتتزكرى عنى حاجة ونكونو واضحيين المنطق بيقول المغترب هو الاصلح والاجدر والعايزاهو النسيبة . دا الحاصل كلو من اهلنا ودا السبب المخلى الشباب ىعزف عن الزواج ويصل ال40 . وبعد دا كلو نحنا بنقول بنحب المفرو

يديك العافية يا جمال فعلا مافي اي حب في الموضوع لانو لو كانى دة حب كان من المستحيل فعلا انو ينتهي
يديك العافية

واواصل ليكم المفروض مانظلم الحب معانا ونسيبو لى اهلو وتعالو من الليلة نفتش عن كلمة جديدة بدل كلمة الحب لانو الحاصل دا تجارة ليس الا واتمنى انو الواحد يصحى من النوم يلاقى دا كلو اتغير والعرس بقا بى الاكل الفى البيت والمهر 100جنية يسيبو الناس تعيش لانو العمر دا واحد ومابيجى تانى

والله المستعان

يا سرور
تعرفى يا اختى العزيزو فترة الجامعة لحد بعيد فترة فيها عدم الجدية وخاصة مع صغار السن ديل بكون النضوج لسه ما اكتمل انا شخصيا مريت بتجربة لحد كبير كانت مؤثرة ارتبطت بواحدة روحيا ووجدانيا لدرجة لا توصف ومن دون تفاصيل فى النهايه جاء واحد من السعودية واتخيلو انتو باركم الحصل شنو
دى كانت تجربة قوتنى خالص بقيت اقكر بعقلى فى الحاجات دى اكتر من قلبى عشان تانى ما اقع فى مشكلة زى دى لكن لحدى ما طلعتا من المازق ده روحى طلعت وكانت صدمة لحدى اسي انا ما مستوعب الكلام ده حصل كيف غايتو الحمد لله على ما اراد

Until the lovers no more think about being Gods and build fancy castles on air... the love will still be impossible... let us get down to the ground and show our real faces then the love can be possible.

مشكورين على الموضوع والردود
لكن برضو فىى حب صادق ومن الطرفين ولكن...............
نصتدم بالواقع المرير ونظرة المجتمع للبنت
عندما ترفض عريس قريبية وتعرس الغريب
الاهل لايقبلوا هذا الكلام
ويتخل كل الاهل فى الموضوع
وتموا الباقى