احلى كلام فى الشعر

ما طال فى بحرك فى مي
وتمرك مقدع بالجريد
شدرك امد حد السمي
طينك معتق بالطمي
نبنيك أكيد … نبنيك هوا
نبنيك ايو … سوا … سوا
منو وجديد نبنيك جديد
يا أيد أبوي علي … أيد اخوي
علي أيدي أنا …
علي أيد .. وأيد تجدع بعيد
فى اللجة من رأس مبضنة
حيكومة الفقر الدمار
الكضبن والصهينة
واللي نقاص ايامنا كأس
اليا لطيف سوس البحر
نرجم قفاهو حجر … حجر
ما ها الرصيف
الما قدر قدام
سريحة الموج يقيف
الما انستر
الأرزقية وناس مو يا
نسقيها كأس اسقتنا يا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احرمن الرصاص
يا ضو حبيبن القسا
طول ما انت غرقان فى الأسي
تبت يديك ما ترمي ساس
ما تبني مجدك من جديد
تفتح نسيمات النشيد
بيت القصيد يستقبلا مستقبلا
والحاضر الماضي التليد
يا بلدي يا فرده جناحي الثاني
وكت الناس تطير لي عالما
واوجعة الزول البجيك
ما يلقي فيك غير الهجير
ناساً ثواني مسالمة
كل البشاشات القبيل يلقاها ميتة مسممه
والجاتا جاتا من الأرض
ما جاتا من تالا السما
ما اعني غبتك يا ولد
وأعدل قضيتك وأعظما
لا ترجع السيف الجفير
والدنيا فايزة مصادمة
من غير تجيب دار البلد
ريح العوارض تهزما
وتطرد مع إبليس الأخير
دعة الضلال من جنتك يا آدما
تأكل من الشدر الحلال يغشاك نعاس فى ضل رمي
تختاك هضاريب الصعب
مربة ليالي المظلمة
يا نيل قبل خاطرك يطيب
ارضك تفزع باللهيب
تكشح تواريب الغضب
صعب المراس
نوبة وزنوج وبجة وحلب
رطانة عربان مواشو
مولدين تلقانا أو…نلقاك ضو
ضلمة لياليك العجاف
رشة نهاراتنا النشاف
آمنا بيك وموحدين
فى إيدنا فاس وقلم رصاص
شتلة وكمنجة ومسطرين
وطبنجة فى خط التماس..حراسة من يكد البكيد
ضد الرصاص والانتكاس
نبنيك جديد وأشد باس