إنها أحبائى فى الله قصة لا أستطيع إلا أن أبدأ بها فهذه أولى أعمالى التوبيكية.....
جايباها لكم هدية لو قبلتوها منى حتبقى أغلى هدية...
ممكن تقبلوها منى..؟!!
واللى حيفهم معنى كلامى ويمكن يكون سبب فى حتى تغيير بسيط فيه ياريت يقوللى.
ها...
نبدأ الحكاية؟!

حمادة.. راجل كبير وصل مرحلة الشيب..عنده دقن ..شوية يربيها وشوية لأ،عنده
بنين وأموال أكترمن ناس كتير..طول الوقت يشتكى الفقر ويقول ..ياريت كان عندى مال
،..بيصلى؟....آه بيصلى ومداوم عليها..
مش دى القضية.القضية إنه ياإخوانى طول الوقت حتى قبل وبعد الصلاة..ع الموبيل..
مش فى حتة تانية...
حاطط حاجات خليعة...وحياته مش سعيدة.

سمسم بقى شاب وشكله عقله طاب..مرة يبقى زى عمه حمادة..ومرة يبقى لأ..
بيصلى الصبح.. ما يقدر ينزل من بيته غير لما يصلى ..بيحس حاجة ناقصة..
وبقية اليوم يروح شغله اللى على الكمبيوتر.. وعن الصلاة بيسهى...
مش كل زمايله فسدة..
فيهم واحد ينصحه..تعالى صلى معايا..يقوله طب شوية.....(ويقلبه....)
بيصلى هو براحته ..عايز يصلى..يصلى،مش عايز هو...حر.

نيجى لعم ميدو..
مش عم لأنه كبير...لأ...ده شاب برده صغير ولكن..دماغه حاجة تانية....
تسأله أيه ديانته..يرد بكل فخر..مسلم
مايعرف منها غير إنه...إذا...(إتزنق)....فى حاجة..يجرى يصلى شوية ..لحد ما ياخد
غرضه وبعدين...
يبقى حر..يعمل ما بداله ..مافيش حاجة تمنعه.

آدى حكاية تلاتة موجودين يا إخوانى بجد،وكل واحد عايش براحته ومش فارقة مع حد
نفسى أقول كلمة لكل واحد منهم،ويا ريت اللى عنده زيهم يقولله ويوعيه..
وإحنا فى شهر الصوم..فرصة نقول اللى نحب.
ممكن نلاقى حد يسمعه..ويمكن يعمله بجد.

كلمة.....
بقول لعم حمادة...
يا عم حمادة..شبت خلاص..ولسه ماتعرف..
1- إن..الصلاة تنهى عن الفحشاء والمنكر.
، وإنه لا صلاة لمن لم تنهه صلاته عن الفحشاء والمنكر.
2-اتقى الله فى موبيلك ياعم حمادة،اتقى الله فى عيونك اللى حيشهدوا عليك يوم القيامة.

بقول لسمسم..
1-إذا كانت الشلة كلها فاسدة...،خليك مع الواحد اللى بيقوم يصلى..
مش عشان واحد فى وسط شلة.. يبقى غلط وهم صح.
2-إذا كان شغلك على الكمبيوتر..اتقى ربنا فيه..مش عشان ماحدش شايفك من الناس..
لأ..ربنا شايفك فى كل وقت.
3-ماتضمنش حيجى موتك إمتى..الصبح وللابقية اليوم...أكيد بقية اليوم أطول يا سمسم).

وبقول لعم ميدو..
ماتقولش مسلم وخلاص لازم تعرف دينك تعرف يعنى أيه إسلام
ده انت لغتك لغة القران يعنى الموضوع مش صعب
غيرك أجانب كتير بيحاولوا يعرفوه وبيعرفوا قيمته وبيلتزموا بيه وبيشتروه بحياة الحرية
والتقدم زى ما بيسميها أعداء الله

-اعرف دينك ،اقرأ فى تفسير القرآن(أبسط تفسير أعرفه ...تفسير الجلالين)
-اعرف نبيك ، اقرأ فى الاحاديث النبوية (مثلا اقرأ كتاب رياض الصالحين)
،السيرة النبوية (زى كتاب الرحيق المختوم)
-اعرف ربك ،فى شئ حولك
-حدد هدفك ،الجنة وللا النار؟
-اعرف نفسك ،انت مخلوق زى الموجودين وزى كل اللى كانوا موجودين..
.قصر عمرك أو طال..حترجع لربك..
ياترى حتقولله أيه...؟؟؟

مسلم؟؟؟!!