لو عندك مشكله ادخل هنا

لا ياباشا مفيش مشاكل ولا حاجه
والرغيف كبيييير والمواصلات فاضييييييييه
وكل واحد قاعد علي لاب توب

وكل شويه تقولو فكوا الحزام
تعيش الحكومه يعيش احمد عرابي
وسعد زغلول
وتحيا الامه العربيه

ya 3m htla2y el wa7d 3ando 1000000 moshkla
ana lw mnk t3ml site lel mawdo3 da msh topic
wla a ?

بس يا باسم اى حد يقول على المشكله بتاعته بصراحه و ان شاء الله نحلها مع بعض

دى لا باظت ولا خربت ولا جابت جاز... لامؤاخذة
دى عيشة بسيطة جدا
شقق مرمية
والشغل ف كل حتة
واللحمة بسبعة جنيه وساعات تلاقيها بستة
..........
عايشين ف حرية
زمن القيود اختفى
اتحدى لو واحد يوم اتضرب بالقفى!!!!!!!
والناس بتختشى
ولا حد بيرتشى
الله على الحياة
بقى لونها شفتشى
ده احنا لا صوتنا اتنبح
ولا ف ملطة بندن...
شوفت يا على
مفيش مشاكل.......!!!!!!!!

انا مش هكلم عن المشاكل اللى ذكرها محمود واللى بيعانى منها كل الشباب ولكن انا هقولكم على مشكله خاصه بيا فى شخصيتى اوك
انا مشكلتى انى مش بعرف افصل بين الامور (موديه)بمشى حسب المود اللى انا فيه وبجد بتحط فى مواقف محرجه دى مشكله بالنسبه ليا
تانى مشكله انى هسافر لما اخلص و بابى عايزنى ارتبط رسمى الاول عشان يكون مطمن عليا هناك على اساس ان هيكون معايا وبجد مش عارفه اعمل ايه والايام بتجرى وخايفه الفرصه تضيع منى انا المفروض ان هشتغل مضيفه فى الطيران الاميراتى و خايفه يحصل فى الامور امور

اهلا و سهلا يا جاسمين
انا عايز اقولك على حاجه مهمه
انتى مشكلتك انك مرتبكه و متوتره يعنى مش عارفه تاخدى قرار بسرعه و بالذات لما القرار ده يكون مصيرى وده مش عيب لازم تتانى و تاخدى وقتك فى التفكير علشان مترجعيش و تندمى عليه
و بالنسبه للى ابوكى عايز يعمله فى نظرى انا شخصيا انه كويس و مقبول لانه عايز يامن مستقبلك و يطمن عليكى فى نفس الوقت و طبعا كلنا عارفين مستوى شركه الطيران الامراتى
و بالنسبه انك بتتحطى كتير فى مواقف محرجه و بتكونى اوقات كتيره مش عارفه تتصرفى
المواقف المحرجه دى تعتبر خبرات فى حياتك لازم تتعلمى منها علشان المره اللى جايه تكونى متوقعاها و كمان تكونى متوقعه رد الفعل بتاعك انتى
و على فكره دى مش مشكله فى شخصيتك و لا حاجه انتى زى الفل

و باى باى با احلى جاسمين

هاى يا على مرسى على اهتمامك بس انا شايفه انها مشكله و انا مش متوترة ولا حاجه بس الى انا اقصدة انى سعات بقول كلمه او بعمل اى فعل بكل حسن نيه لكن الشخص اللى قدامى يفهمنى غلط ودى مشكله فى الزمن دة بالذات انك تكون طبيعى بتصرف بتلقائيه اما بالنسبه لبابى هو اكيد خايف عليا لكن متنساش انى ضد الزواج التقليدى بمعنى انى لو الانسان اللى فى حياتى مرتبطش بيا رسمى فاكيد مش هتجوز جواز تقليدى و فى نفس الوقت مقدرش اورطه معايا و اظلمه هو كمان ليه طموح و احلام وانا مقدرش احوله لجوز الست عشان يسافر معايا و بعدين خلينا نكون صرحا اكتر مع بعض انا خلاص فكرت فى الموضوع و هتنازل عن الفرصه دى طالما هتحطتنى فى موقف محرج مع حبيبى مش عايزاها ودة اخر قرار الفرص كتير صح و الحياه مش هتوقف عند اى حاجه مهما كانت ولا ايه تانى قرار بقى اخدته انى لو ملقتش فرصه مناسبه فى بلدى مصر ان شاء الله هرجع تركيا و انا حاليا بستعد للسفر من ناحيه اللغه دخلت كورسات دة طبعا فى حال لو ياست من الحياه فى مصر

ايه اللي حصل في الدنيا؟!؟
حد يبقي معاه الملاك ده ويتخلي عن الفرص ديه كلها
حرام والله
...
..
.
وانشاء الله نسمع اخبار عنك كويسه
ومن غير مشاكل انشاء الله

هاااااااااااااااااااااااااااااااااى عليكم كلكم وحشتوووووووووووووونى موووووووووووووووووووووت انا بكلمكم النهاردة من تركيا وانا لسه وصله امبارح بس و حبيت تكونوا اول ناس اكلمها لانكم بجد اخواتى اللى وقفوا جانبى و النهاردة انا مش هقول على مشاكل لانها مش موجوده بجد كان نفسى يكون معايا 100,00000 دعوه ابعتها لكل الناس الحياه هنا كتيييييييير حلوة و مريحه بس يا رب تستمر على كدة و ابعتولى طمنونى عليكم عاملين ايه فى حياتكم و شغلكم بجد وحشتونى جدااااااااااا